கூட்டணி குழப்பம்! இப்பவே கண்ண கெட்டுதே!!

சென்னை மார்ச் 19: ம.தி.மு.க.,வுக்கு ‌13 தொகுதிகளும் , ஒரு ராஜ்யசபா சீட்டும் ஒதுக்கி தரப்படும் என அ..தி.மு.க., தரப்பில் வைகோவிடம் தெரிவிக்கப்பட்டது. இது குறித்து ம.தி.மு.க., உயர்நிலைக்கூட்டத்தில் பேசி விவாதிக்கப்படும் . இதனை தொடர்ந்து மாலையில் மாவட்ட செய்லாளர்களிடம் கலந்து ஆலோசித்து இறுதி முடிவு எடுக்கப்படும் என தெரிகிறது.

அ.தி.மு.க., சார்பில் ஓ. பன்னீர்செல்வம், செங்கோட்டையன் வைகோவை சந்தித்து பேசினர். இந்த பேச்சில் 13 தொகுதிகளும் வரும் காலத்தில் ஒரு ராஜ்யசபா எம்.பி.,யும் தருவோம் என்று தெரிவித்தனர். ஆனால் வைகோ 16 சீட்டுகள் மற்றும் ஒரு ராஜ்யசபா சீட்டு தருமாறு கேட்டதாக தெரிகிறது.

இதனையடுத்து இது குறித்த விவரத்தை ஜெ,. யிடம் எடுத்து சொல்ல அ.தி.மு.க,. நிர்வாகிகள் போயஸ் கார்டன் சென்றனர். அ.தி.மு.க., நிர்வாகிகளுடன் நடத்திய பேச்சு குறித்து உயர்நிலைக்கூட்டத்திலும், மாவட்ட செயலாளர்களுடனும், வைகோ கலந்து ஆலோசிக்கிறார். பின்னர் வைகோ போயஸ்கார்டனுக்கு சென்று தொகுதிகள் குறித்து சந்தித்து பேசுவார் என எதிர்பார்க்கப்படுகிறது.