விஜய்யின் மகத்தான மக்கள் சேவை!!

மகத்தான மக்கள் சேவையா ஆற்றுகிறது?

“சேவை வரியிலிருந்து விலக்கு அளித்துத்  திரைப்படத் தொழிலைக் காப்பாற்றுங்கள்” என்று நடிகர் விஜய் பிரதமருக்குக் கடிதம் எழுதியுள்ளார்.

திரைப்படத் துறையை ஏன் காப்பாற்ற வேண்டும்?

அது என்ன மகத்தான மக்கள் சேவையா  ஆற்றிக் கொண்டிருக்கிறது?

அல்லது பண்பாடுகளையும் நாகரிகத்தையும் காப்பாற்றப் பாடுபட்டுக் கொண்டிருக்கிறதா?

சினிமாவிலும் குடும்ப மாண்புகள் பேணப்பட்ட ஒரு காலம் இருந்தது.

அதெல்லாம் இப்போது அடியோடு மாறிவிட்டன.

இன்றைய திரைப்படங்கள் பற்றி நாம் அனைவரும் அறிவோம்

வக்கிரமான கண்றாவிக் காதல், ஆபாசம், வன்செயல், ரவுடித்தனம், சட்டத்தைக் கையில் எடுத்தல், இரத்தச் சிதறல், இளைய தலைமுறையைச் சீரழித்தல்,நடனம் எனும் பெயரில் முன்புறத்தையும் பின்புறத்தையும் சகிக்கமுடியாத அளவுக்கு ஆட்டி, ஆட்டிக் காண்பித்தல்..

இதற்குப்போய் சேவை வரியிலிருந்து விலக்கு அளிக்க வேண்டுமாம்.. கொடுமை!?

இந்திய அரசு இப்போது செய்யவேண்டியது ஒன்றே ஒன்றுதான்..

அடுத்த பத்தாண்டுகளுக்கு திரைப்படத் தயாரிப்புக்கே தடை விதிக்கவேண்டும்;  அல்லது கடுமையான கட்டுப்பாடுகளை விதித்து  நல்ல, பயனுள்ள படங்கள் மட்டுமே  தயாரிக்கப்படுவதை உறுதி செய்யவேண்டும்.

கூத்தாடிகளுக்கு காவடி தூக்கும் பார்ப்பன ஊடகங்கள்??

நாட்டில் எத்தொனையோ செய்திகள் இருக்க விஜய்க்கு பிறந்தநாள், அஜித்துக்கு காலில் காயம், ஹன்சிகாவுக்கு மாப்பிளை தேடுகிறார்கள் ரொம்ப முக்கிய செய்திகளாக முதல் பக்கத்தை அலங்கரிக்கிறார்கள் இந்த பார்ப்பன ஊடங்கங்கள்.
பற்றாக்குறைக்கு நித்யானந்தா கருன்மாந்திரத்தை பக்கம் பக்கமாக அள்ளி விடுகிறார்கள். (தரங்கெட்ட நாளிதழ்கள் தின மனி,தினமலர், தின தந்தி)  தமிழநாட்டுக்கு கிடைத்த தரித்திரியம் ஜெயாலலிதா, அறநிலையத்துறை சார்பில் 1006 ஜோடிகளுக்கு இலவசத் திருமணங்களை செய்துவைத்துள்ளார். 

எந்திரன் கதை திருட்டு! கலாநிதி மாறன், சங்கர் மீது வழக்கு!

JULY 17, தனது ஜூகிபா கதையை அப்படியே திருடி, ஸ்கிரீன் பிளே செய்து, சினிமா சமாச்சாரங்களான பாடல் காட்சிகள், சண்டைக்காட்சிகள், கிராபிக்ஸ் உத்திகள் போன்றவற்றை சேர்த்து எந்திரன் படத்தை டைரக்டர் சங்கர் இயக்கியிருக்கிறார்.

இந்தக் திருட்டுக்கதையை தயாரிப்பாளராக இருந்து படமாக வெளியிட்டிருக்கிறார் கலாநிதி மாறன், என்றெல்லாம் எழுத்தாளர் ஆரூர் தமிழ்நாடன், சென்னை உயர்நீதிமன்றத்தில் வழக்குத் தொடர்ந்ததோடு எந்திரன் படக்கதையை தனது கதை என்று அறிவிக்க வேண்டும் என்றும் இதற்கு இழப்பீடாக ஒரு கோடி ரூபாய் வழங்க வேண்டுமென்றும் கோரிக்கை வைத்திருந்தார்.

மேலும் டைரக்டர் சங்கரும், தயாரிப்பாளர் தயாநிதிமாறனும் மோசடியாக கதையைத் திருடி கூட்டுச் சதி புரிந்து சுயலாபம் பார்க்கும் வகையில் நடந்து கொண்டிருக்கிறார்கள். இவர்கள் மீது பதிப்புரிமை சட்டப்படியும் மோசடிக் குற்றத்தின் அடிப்படையிலும் கிரிமினல் நடவடிக்கை எடுக்க வேண்டும் என்று சென்னை காவல்துறை ஆணையராக இருந்த ராஜேந்திரனிடம் புகாரும் கொடுத்திருந்தார்.

அப்போது திமுக ஆட்சி நடந்ததால் திகைத்துப்போன போலீஸ் அதிகாரிகள், புகாரில் இருந்து கலாநிதிமாறனின் பெயரை நீக்கினால்தான் புகாரை பதிவு செய்ய முடியும் என்று தெரிவித்தனர். இதைத்தொடர்ந்து எழும்பூர் சிறப்பு மெட்ரோ பாலிடன் கோர்ட்டில் பிரைவேட் வழக்கு தொடர்ந்தார் தமிழ்நாடன்.

வழக்கை விசாரித்த நீதிபதி சிவகுமார், இதுகுறித்து கலாநிதி மாறனுக்கும், டைரக்டர் சங்கருக்கும் கோர்ட்டில் ஆஜராகும்படி சம்மன் அனுப்ப உத்தரவிட்டார். இதில் அதிர்ந்துப்போன கலாநிதி மாறனும், சங்கரும் சென்னை உயர்நீதிமன்றத்தில், இந்த வழக்கை விசாரிக்க இடைக்கால தடையை வாங்கினர்.

இந்த நிலையில் 15.07.2011 அன்று எழும்பூர் கோர்ட்டில் எந்திரன் கதைத் திருட்டு வழக்கு விசாரணைக்கு வந்தது. அப்போது ஆஜரான கலாநிதிமாறன் மற்றும் சங்கரின் வழக்கறிஞர்கள், உயர்நீதிமன்றம் கொடுத்த இடைக்காலத் தடையைக் காட்டியதோடு, இது விசாரிக்க உகந்த வழக்கல்ல. எனவே இந்த வழக்கை தள்ளுபடி செய்ய வேண்டும் என்று வேண்டுகோள் வைத்தனர்.

தமிழ்நாடன் தரப்போ அப்பீல் மூலம் இடைக்காலத் தடையை கேட்கும் முயற்சியில் இருப்பதாக தெரிவித்தது. இதைத்தொடர்ந்து வழக்கை தள்ளுபடி செய்ய வேண்டும் என்ற கலாநிதி மாறன் மற்றும் சங்கரின் கோரிக்கையை நிராகரித்த நீதிமன்றம் வழக்கை செப்டம்பர் 28ஆம் தேதிக்கு ஒத்தி வைத்தது. தமிழ்நாடன் சார்பில் வழக்கறிஞர்கள் ராஜகோபால், எட்வின், சிவகுமார் ஆகியோர் ஆஜராகி வருகின்றனர் என்பது குறிப்பிடத்தக்கது. ஆட்சி மாறிய பிரகாவது நீதிகிடைக்குமா? என காத்திருக்கிறது தமிழ்நாடன் தரப்பு.

விஜய்யும், சந்திர சேகரும் கண்தானம் செய்வார்களா?

JULY 11, நாகர்கோவில் அருகே ஆசாரிபள்ளத்தில் விஜய் ரசிகர் மன்ற நிர்வாகிகள் கூட்டம் நடந்தது. இதில் டைரக்டர் எஸ்.ஏ. சந்திரசேகர் கலந்து கொண்டார்.

கூட்டத்தில் 50 பேர் கண் தானம் செய்வதாக முடிவு எடுக்கப்பட்டது.  இதையடுத்து ஆசாரி பள்ளம் மருத்துவமனையில் டைரக்டர் எஸ்.ஏ. சந்திரசேகர் முன்னிலையில் விஜய் ரசிகர்கள் 50 பேர் கண் தானம் செய்தனர்.

சிந்திக்கவும்: பாவம் படிப்பறிவு இல்லாத இந்த ஏழை ரசிகர்களை என்னவென்று சொல்வது. இவர்கள் கண்தானம் செய்கிறார்கள் நல்ல விசயம்தான். அரசு கண்தானத்தை ஊக்கப்படுத்துகிறது, எத்தனையோ பொது நல அமைப்புகள் கண்தானம் செய்வது பற்றி கருத்தரங்குகள் நடத்துகின்றன. சரி நீங்கள்தானே கண்தானம் செய்கிறீர்கள் உங்கள் தலைவர் விஜய் செய்திருக்கிறாரா? இல்லை சந்திர சேகர் செய்திருக்கிறாரா? இதுவெல்லாம் உங்களை வைத்து மேலும் புகழ்தேட, தங்கள் அரசியல் வாழ்க்கையை அமைத்துக்கொள்ள ஒரு திட்டமே அன்றி வேறில்லை.

விஜய் நடித்த படத்தை பாருங்கள் யாரும் வேண்டாம் என்று சொல்லவில்லை. நீங்கள் ரசிகர் மன்றம் அமைத்து, கட்டவுட்டுக்கு பால் ஊற்றி, படத்தை நூறுநாள் ஓடவைக்க உங்கள் கைகாசை போட்டு, இப்படி கண்தானம் கொடுத்து விஜய்க்கு பெரும் புகழும் தேடி கொடுக்கும் அளவுக்கு அவர்கள் எல்லாம் ஒன்றும் பெரிய சமூக அக்கறை படைத்தவர்கள் இல்லை. அவர்கள் சம்பாதித்த பணத்தை காக்க அடுத்து அரசியலுக்கு வர, புகழ் தேட நீங்கள் எல்லாம் துருப்பு சீட்டுகள்.

கண்தானம், ரெத்த தானம் எல்லாம் எத்தனையோ சமூக அமைப்புகள் பண்ணுகின்றன அதில் உங்களை இணைத்து கொண்டு செய்யுங்கள். ரசிகர் மன்றம் அமைத்து நேரங்களை வீணாக்குவதை விட உங்கள் வாழ்க்கைக்கு தேவையானதை கல்வி, பொருளாதாரத்தை தேடும் வழியை பாருங்கள். உங்களை நம்பி உங்கள் கும்பம் உள்ளது என்பதை மனதில் நிறுத்தி செயல்படுங்கள்.  ரசிகர் மன்றம் அமைத்து தங்கள் படிப்பை தொலைத்து வாழ்க்கை இழந்த இளஞசர்கள் எத்தனயோ பெயர்.

-மலர்-