திமுக தலைவர்களை எதிர்த்து நிற்கும் வேட்பாளர்கள்!!

மார்ச்22,: முதல் அமைச்சர் கருணாநிதி, துணை முதல் அமைச்சர் மு.கஸ்டாலின், நிதி அமைச்சர் க.அன்பழகன் ஆகிய திமுக தலைவர்களை எதிர்த்து அதிமுக வேட்பாளர்கள் நேரடியாக போட்டியிடுகின்றனர்.

திருவாரூர் தொகுதியில் போட்டியிடும் திமுக தலைவரும் முதல் அமைச்சருமான கருணாநிதியை எதிர்த்து, திருவாரூர் மாவட்ட அதிமுக முன்னாள் செயலாளர் குடவாசல் எம்.ராசேந்திரன் போட்டியிடுகிறார்.

கொளத்தூர் தொகுதியில் போட்டியிடும் துணை முதல் அமைச்சரும், திமுக பொருளாளருமான மு.க.ஸ்டாலினை எதிர்த்து, தென்சென்னை மாவட்ட அதிமுக முன்னாள் செயலாளர் சைதை சா.துரைசாமி போட்டியிடுகிறார்.

வில்லிவாக்கம் தொகுதியில் போட்டியிடும் திமுக பொதுச்செயலாளரும், நிதி அமைச்சருமான க.அன்பழகனை எதிர்த்து, அதிமுக சிறுபான்மையினர் நலப்பிரிவு துணை செயலாளர் பிரபாகர் போட்டியிடுகிறார்.

இதேபோல், ஸ்ரீரங்கம் தொகுதியில் போட்டியிடும் அதிமுக பொதுச்செயலாளர் ஜெயலலிதாவை எதிர்த்து, சாந்தாபுரம் திமுக கிளைக் கழக முன்னாள் செயலாளர் என்.ஆனந்த் போட்டியிடுகிறார்.