அண்ணா வழியில், நடிகர்கள் ஆசியில் தமிழக கட்சிகள்!!

மார்ச் 21, அண்ணா வழியில் அயராது உழைப்போம் கண்ணியமாய் அண்ணல் சொன்னதை செய்வோம் பாடல்கள் மட்டும் தவறாது தேர்தல் காலங்களில் ஒலிக்கிறது. ஆனால் தமிழ் நாடு அரசியலை பார்த்தால் கேவலமா இருக்கு. பெரியார், அண்ணா, காமராஜர், காயிதே மில்லத், போன்றவர்கள் இருந்த இடத்தில் இப்ப நடிகர்கள் பட்டாளம்.

இந்த கூத்தாடிகளை வைத்து அரசியல் பண்ணும் அளவுக்கு இழி நிலைக்கு தள்ளப்பட்டு விட்டார்கள். இவர்கள் முதல்வர் நாற்காலியில் உட்கார இப்படி எல்லாம் கேவலமாக அரசியல் பண்ண ஆரம்பித்து விட்டார்கள்.

உண்மையிலேயே இந்த நடிகர்களுக்கு சமூக அக்கறை உண்டா? அப்படி அவர்களுக்கு இருக்குமே ஆனால் அவர்கள் செய்த சமூக சீர்திருத்தங்கள் என்ன? தொண்டுகள் என்ன? இந்த தமிழ் சமுதாயம் என்று திருந்தும். தமிழர்கள் நிலையை பார்த்தல் கவலையாக இருக்கிறது.

சென்னையில் உள்ள ஒரு வேட்பாளர் ரஜினி ஆசியோடு தேர்தல் பிரச்சாரத்தை துவங்குகிறார். இவர் ஏன்? ரஜினி ஆசியோடு பிரச்சாரத்தை தொடங்குகிறார் என்பது புரியவில்லை. திமுக என்னவென்றால்? கற்புக்கரசி நடிகை முதல் முருங்கைகா செக்ஸ் நடிகர் வரை கூத்தாடிகள் பட்டாளம். அடுத்து ஆதிமுக அணியில் பார்த்தால் இவர்களுக்கு நாங்கள் என்ன இளைத்தவர்களா என்று அவர்களும். தமிழகம் தமிழக மக்கள் என்று விழிப்புணர்வு பெறுவார்களோ.