இவர்கள் தமிழர்களா? வெட்கமாக இருக்கிறது!

AUG 5, நண்பர்களே, நக்கீரனில் ஒரு செய்தி படித்தேன், ஈழ தமிழர்களின் மறு வாழ்வுக்காக நடந்த கையெழுத்து சேகரிக்கும் நிகழ்வில் சந்தானம் , செல்வமணி, ரோஜா , பாரதி ராஜா போன்ற நடிகர்கள் உற்சாகத்துடன் கையெழுத்து போட்டனர் என்றும் பரத் போட தயங்கினார் பின் சந்தானம் சொன்ன பிறகு கையெழுத்து போட்டார்.

விஜய் கை எழுத்து போட மறுத்து விட்டார். அதை அவரது அப்பா சந்திர சேகரிடம் சொன்னதற்கு அவனிடம் கை எழுத்து எல்லாம் வாங்க வேண்டாம். வேலை நேரத்தில் தொந்தரவு செய்தால் நாங்கள் காவல் துறை உதவியை நாடுவோம் என்று கூறினாராம் .நான் கேட்கிறேன் ரத்த உறவுகளுக்காக ஒரு கையெழுத்து கூட போடாத இவர்கள் தமிழர்களா ? இல்லை இவர்களின் படத்தை முதல் வரிசையில் நின்று பார்க்கும் நாம் தமிழனா? கேவலமாக இல்லை,

வில்லு படத்தில் ஒரு அறிமுக பாடலில் " ஆண்டவனே என்ன பார்த்து என்ன வேண்டும் என்று கேட்டால் அகதியான மக்களுக்கு அமைதியான நாடு கேட்பேன் என்று வரும் " அதிலே விஜய் ரொம்ப உணர்ச்சி பூர்வமாக நடித்து இருப்பார் ஆனால் அவர் அன்று நடிக்க வில்லை இன்றுதான் தான் உண்மையாகவே அது எல்லாம் பொய்டா என்று கூறி நடித்து இருக்கிறார். நீங்கள் எல்லாம் ஏன் அப்படி நடிக்க வேண்டும் தமிழனுக்காக ஒரு கையெழுத்து போட வக்கில்லை உன் படத்தை போய் நாங்களும் பாக்குறோம் பார் எங்களை அடிக்க வேண்டும் . .......................

விஜய் கேட்கலாம் என் ஒருவன் கையெழுத்து தான் உங்களுக்கு முக்கியமா என்று, நீ போட்டால் உன்னை பின்பற்றுகிற எல்லாரும் போடுவார்கள் இல்லையா, நீங்கள் கோகோ கொலோ விளம்பரத்தில் நடித்தால் வாங்குகிறார்கள். தமிழனின் விடுதலையை உனக்கு வேலையின் தொந்தரவு என்றும். காவல் துறையை நாடுவேன் என்றும் கூறி இருக்கிறாய் இதற் கெல்லாம் காலம் பதில் சொல்லும் தமிழர்கள் பதில் சொல்வார்கள்.

இது ஒரு நண்பர் பகிர்ந்துக் கொண்ட விடயம், நம் தமிழ் மக்கள் நிழலுக்கும் நிசத்துக்கும் உள்ள உண்மையை விளங்கிக் கொள்ளத் தொடங்கி விட்டனர் என்பது வெளிச்சம். அந்த வெளிச்சத்தில், அரிதாரம் பூசி லைம்லைட்டில் மக்களை மயக்கிக் காசுப்பார்த்த ஒருசில கூத்தாடிகளின் உண்மை முகங்கள் வெளிப்படத் துவங்கியுள்ளன.

நட்புடன் யாழினி...