மார்ச் 27,: எதிரணியில் முன்னாள் கதாநாயகனும், கதாநாயகியும் மட்டும்தான் இருக்கிறார்கள் என, மு.க.ஸ்டாலின் பேசினார். திமுக ஆட்சியின் சாதனைகளும், நலத்திட்டங்களும் தொடர, நடைபெறவுள்ள சட்டசபை தேர்தலில் திமுக கூட்டணிக்கு ஆதரவு அளிக்க வேண்டும் என்று துணை முதல்வர் மு.க.ஸ்டாலின் கேட்டுக்கொண்டுள்ளார்.
கொளத்தூர் தொகுதியில் தி.மு.க. வேட்பாளராக துணை முதல் அமைச்சர் மு.க.ஸ்டாலின் போட்டியிடுகிறார். கொளத்தூர் தொகுதியில் மு.க.ஸ்டாலின் தீவிர பிரச்சாரத்தில் ஈடுபட்டார். அப்போது பேசிய மு.க.ஸ்டாலின்,
கடந்த சட்டமன்ற தேர்தல் அறிக்கையில் கூறப்பட்ட அனைத்தையும் நிறைவேற்றிவிட்டு, மக்களிடம் வாக்கு கேட்கிறோம். அதோடு மட்டும் அல்ல. இனி செய்யப்போகும் திட்டங்களையும் சொல்லி வாக்கு கேட்கிறோம்.
சாதனைகளும், திட்டங்களும் தொடர கலைஞர் 6வது முறையாக முதல் அமைச்சராக ஆதரவு தர வேண்டும். எதிரணி தலைவர் தேர்தல் அறிக்கை வெளியிட்டிருக்கிறார். கலைஞர் வெளியிட்ட தேர்தல் அறிக்கையின் ஜெராக்ஸ் காப்பியை வெளியிட்டிருக்கிறார்.
No comments:
Post a Comment