திமுக கூட்டணிக்கு ஆதரவு அலை!! ராமதாஸ்!

மார்ச், 30: தமிழகத்தில் திமுக தலைமையிலான ஜனநாயக முற்போக்கு கூட்டணிக்கு ஆதரவு அலை வீசுவதாக பாமக நிறுவனர் ராமதாஸ் கூறியுள்ளார். திமுக அறிவித்துள்ள தேர்தல் அறிக்கை மக்கள் மனதில் இடம் பிடித்துள்ளதாகவும் அவர் கூறியுள்ளார்.

விழுப்புரம் மாவட்டம் சங்கராபுரம் திமுக வேட்பாளர் மற்றும் கள்ளக்குறிச்சி விடுதலைச் சிறுத்தைகள் கட்சி வேட்பாளர் ஆகியோரை ஆதரித்து பாமக நிறுவனர் ராமதாஸ் பிரச்சாரம் மேற்கொண்டார்.

பாமர மக்களையும் திமுக தேர்தல் அறிக்கை சென்றடைந்துள்ளது. தமிழகத்தின் முதல் அமைச்சராக கலைஞரே வரவேண்டும் என பொதுமக்கள் விரும்புகிறார்கள். நடைபெறவுள்ள தேர்தலில் திமுக தலைமையிலான ஜனநாயக முற்போக்கு கூட்டணிக்கு ஆதரவு அலை வீசுகிறது என்றார்.