ஆசிய கோப்பை கால் பந்து போட்டியில் ஜப்பான் வெற்றி

தோஹா, ஜன.29: கத்தார் தலைநகர் தோஹாவில் நடைபெற்ற ஆசிய கோப்பை கால்பந்து போட்டியில் ஜப்பான் சாம்பியன் பட்டத்தைக் கைப்பற்றியது. சனிக்கிழமை நடைபெற்ற இறுதி ஆட்டத்தில் ஜப்பான் 1-0 என்ற கணக்கில் ஆஸ்திரேலியாவை வீழ்த்தியது. இந்த வெற்றியின் மூலம் ஆசிய கோப்பை போட்டியில் அதிக முறை சாம்பியன் பட்டம் வென்ற அணி என்ற பெருûமையை ஜப்பான் பெற்றது. இதற்கு முன்னதாக 1992, 2000, 2004 ஆகிய ஆண்டுகளில் ஜப்பான் சாம்பியன் பட்டம் வென்றுள்ளது. சனிக்கிழமை நடைபெற்ற இறுதி ஆட்டத்தில் ஆட்டநேர முடிவில் இரு அணிகளும் கோல் அடிக்கவில்லை. பின்னர் கூடுதல் நேரம் வழங்கப்பட்டது. இந்த வாய்ப்பை சரியாகப் பயன்படுத்திய ஜப்பானின் மாற்று ஆட்டக்காரர் ததானரி லீ, கோல் அடித்து ஜப்பானுக்கு வெற்றித் தேடித்தந்தார்.