ஒபாமா கென்யாவில் பிறந்தாரா? புதிய சர்ச்சை.

அமெரிக்க அதிபர் ஒபாமாவின் தந்தை கென்யாவை சேர்ந்தவர். எனவே, கென்யாவில் ஒபாமா பிறந்ததாகவும், அமெரிக்காவில் பிறக்காத ஒருவர் அந்நாட்டு அதிபரானது தவறு என்றும் எதிர்க்கட்சியினர் சிலர் சர்ச்சையை கிளப்பி வருகின்றனர்.இந்நிலையில், ஒபாமாவின் பிறப்பு பற்றிய தகவல்களை வெளியிடப் போவதாக அவரது ஜனநாயக கட்சியை சேர்ந்த ஹவாய் மாகாண கவர்னர் நீல் அபெர்கிராம்பே தெரிவித்துள்ளார். ஒபாமாவின் பெற்றோர் எனது நண்பர்கள். அவர் ஹவாய் மாகாணத்தில் பிறந்தவர். அவர் பிறந்தபோது அருகில் இருந்தவன் நான். இதற்கான ஆவணங்களுடன் விரைவில் தகவல்களை வெளியிடுவேன். எனினும், இப்போது இது பிரச்னையல்ல. நாட்டின் பொருளாதாரத்தை வலுப்படுத்துவதே முதல் வேலை’’ என்றார்.