அடுத்த முதல்வர் நானா? அழகிரியா? ஸ்டாலினா?

சென்னை, ஏப். 30: "ஆட்சிக்கு வந்தால் முதல்வராக யார் வருவார் என்பது குறித்து கட்சியின் பொதுக்குழு தான் முடிவு செய்யும்' என்று முதல்வரும், திமுக தலைவருமான கருணாநிதி கூறியுள்ளார்.

திமுக என்பது ஒரு இயக்கம். திராவிட இயக்கத்தின் மீது மக்களுக்கு ஓர் ஆர்வமும், அக்கறையும் உள்ளது. இது வெறும் இயக்கமாக மாத்திரம் இல்லாமல் ஆளுங்கட்சியாக வந்து மக்களுக்கு அண்மைக் காலத்தில் பல சாதனைகளைச் செய்து முடித்து இருக்கின்றது.

நம்பகத் தன்மை வாய்ந்த கட்சியாக மக்களுக்கு இது இருக்கின்றது. தேர்தல் முடிவுக்குப் பிறகு சூழ்நிலைக்கு ஏற்ப திமுக முடிவெடுக்கும். கூட்டணி ஆட்சி என்பது கூடாது என்றல்ல; கூட்டணி ஆட்சிதான் மத்தியிலே நடக்கின்றது.

ஆட்சிக்கு வந்தால் நான் முதல்வராக வருவேனா? அல்லது ஸ்டாலின் முதல்வராக வருவாரா? அழகிரியா? என்றெல்லாம் இப்போதே கூற முடியாது. அதெல்லாம் எங்கள் கட்சியின் பொதுக்குழு முடிவு செய்ய வேண்டிய விஷயங்கள் என்றார்.

சிந்திக்கவும்; இப்பவும் இவர் குடும்பத்தார்கள் தான் முதல்வராக வரவேண்டுமா? மற்றவர்களுக்கு வாய்ப்பில்லையா? இன்னும் இவருக்கு முதல்வர் நாற்காலி ஆசை போகவில்லை. வயதாகி விட்டால் வீட்டில் இருக்கவேண்டியதுதானே.