பெரியாரின் கனவு நினைவாகிறது!

DEC 04:கொச்சி: முல்லைப் பெரியாறு அணையின் நீர்மட்டத்தை உயர்த்துவதால் அணைக்கு எந்த பாதிப்பும் ஏற்படாது’ என்று கேரள உயர் நீதிமன்றத்தில் அரசின் அட்வகேட் ஜெனரல் விளக்கம் அளித்துள்ளார். இதற்கு கேரளாவில் பலத்த எதிர்ப்பு கிளம்பி உள்ளது.

மேலும் இவர் கூறி இருப்பதாவது முல்லைப் பெரியாறு அணையின் நீர் மட்டத்துக்கும், அணையின் பாதுகாப்புக்கும் சம்பந்தம் இல்லை. அணை உடைந்தாலும் அந்த தண்ணீரை தாங்கும் பலத்தை இடுக்கி, செறுதோணி, குளம்மாவு அணைகள் கொண்டுள்ளன.

இப்போது 136.5 அடி தண்ணீர் இருப்பதால் பெரியாறு அணைக்கு எந்த ஆபத்தும் இல்லை. உச்ச நீதிமன்றம் உத்தரவுபடி நீர்மட்டத்தை 142 அடி உயர்த்தினாலும் அணைக்கு ஆபத்து ஏற்படாது. அணை உடையும் ஆபத்து ஏற்பட்டால் இடுக்கி, செறுதோணி, குளமாவு அணைகளுக்கு தண்ணீரை திறந்து விடலாம். அங்கிருந்து வெளியேறும் தண்ணீர் அரபிக்கடலுக்கு சென்று விடும். இவ்வாறு அறிக்கையில் கூறப்பட்டுள்ளது.

கேரளாவின் கேரள அரசு தரப்பின் அட்வகேட் ஜெனரல் இப்படி உண்மையை கூறி இருக்கும் இந்த நேரத்தில் மத்திய அரசு முல்லை பெரியாறு விசயத்தில் தலையிட்டு அணையை உடைக்கும் திட்டத்தை தடுக்க வேண்டும். அதுபோல் காவேரி ஆற்றில் இருந்து தமிழகத்துக்கு தண்ணீர் கிடைக்கவும் வழி செய்யவேண்டும். சிங்கள பயங்கரவாத ராணுவம் தமிழ் மீனவர்களை சுட்டு கொல்வதை உடனே தடுத்து நிறுத்த வேண்டும். இல்லையேல் போலி தேசியம் பேசி திரிவதில் எந்த அருத்தமும் இல்லை.

முல்லை பெரியாறு அணையை கேரளா உடைக்குமே என்றால் அதை தமிழர்கள் வேடிக்கை பார்த்துகொண்டு இருக்க முடியாது.முல்லை பெரியாறு ஆணை மீது கேரளா கைவைத்தால் இந்தியா உடைந்து பல பாகங்களாக சிதறி போகும் என்று எச்சரிக்கிறோம். தனித்தமிழகம் அமைக்க வேண்டும் என்கிற பெரியாரின் கனவு நினைவாக போகிறது! தமிழர்கள் ஒன்றிணைய வேண்டும்.இவைகளுக்கு எதிராய் போராட முன்வரவேண்டும். இதற்கெல்லாம் நிரந்தர தீர்வு தனி தமிழ் நாடு அமைப்பதே என்பதை உணர்ந்து தமிழர்கள் ஒன்றுபட்டு போராட முன் வேண்டும். 

 ரௌத்திரம் பழகு 

...யாழினி...