இப்படியும் ஓர் தாய்!!!

ஜெர்மனியில் ஹோட்டல் ஒன்றின் வெளியே கிடந்த சூட்கேசில் அடைக்கப்பட்டு இருந்த பிறந்த ஒரு நாளே ஆன பச்சிளங் குழந்தை பத்திரமாக மீட்கப்பட்டது. ஹம்பர்க் நகரில் உள்ள ஹோட்டலுக்கு வெளியே கேட்பாடற்று ஒரு சூட்கேஸ் கிடந்தது. இதை கவனித்த ஓட்டலின் பாதுகாவலர் ஒருவர் சூட்கேசை திறந்து பார்த்தார். அதில் துணிகள் இருந்ததால் ஓட்டல் லக்கேஜ் அறையில் வைத்தார்.

பின்னர் அந்த சூட்கேசில் இருந்து குழந்தை அழும் சத்தம் கேட்கவே திறந்த பார்த்தபோது பாதுகாவலர் அதிர்ச்சியடைந்தார், அதில் பச்சிளங் குழந்தை ஒன்று இருந்தது. இதுபற்றி தகவலறிந்த பொலிஸார் அங்கு வந்து குழந்தையை மீட்டு மருத்துவமனையில் சேர்த்தனர்.
முதலுதவி சிகிச்சை அளித்த வைத்தியர்கள் அந்த குழந்தை 2.2 கிலோ எடையுடன் ஆரோக்கியமாக இருப்பதாக தெரிவித்தனர். குழந்தையை அனாதையாக போட்டு விட்டு சென்ற தாயை பொலிஸார் வலைவீசி தேடி வருகின்றனர்.