அமெரிக்காவுக்குள் சட்டவிரோதமாக நுழையும் இந்தியர்கள்!!!

பாஸ்டன்,பிப்.6: மெக்ஸிகோ எல்லைவழியாக அமெரிக்காவுக்குள் ஏராளமான இந்தியர்கள் சட்டவிரோதமாக நுழைவதாக லாஸ்ஏஞ்சலீஸ் டைம்ஸ் பத்திரிகை தெரிவித்துள்ளது. அமெரிக்காவுக்குள் நுழைய முயற்சிக்கும் இந்தியர்களில் பெரும்பாலோர் கிராமத்தைச் சேர்ந்த இளைஞர்கள். அதிலும் பஞ்சாப், குஜராத் மாநிலங்களைச் சேர்ந்தவர்களாக உள்ளனர் என்றும் அந்த பத்திரிகை குறிப்பிட்டுள்ளது.மெக்ஸிகோ எல்லைவழியாக இந்தியர்கள் சட்டவிரோதமாக நுழைவது கண்டறியப்பட்டதில் இருந்து இதுவரை 1,600 பேர் கைது செய்யப்பட்டுள்ளனர்.

அமெரிக்காவுக்குள் சட்டவிரோதமாக நுழைய விரும்பும் இந்தியர்கள் பெரும்பாலும் மும்பையில் இருந்து விமானம் மூலம் துபை செல்கின்றனர். பின்னர் அங்கிருந்து வெனிசுலா, குவாதமாலா, ஈகுவடார் ஆகிய நாடுகளில் ஏதேனும் ஒரு நாட்டுக்குச் செல்கின்றனர். அங்கிருந்து மெக்ஸிகோவுக்கு வந்து, எல்லைப் பகுதி வழியாக அமெரிக்காவின் டெக்சாஸ் மாகாணத்துக்குள் நுழைந்துவிடுகின்றனர். இப்பாதை வழியாக அதிகமாக லத்தீன் அமெரிக்காவைச் சேர்ந்தவர்கள்தான் அமெரிக்காவுக்குள் சட்டவிரோதமாக நுழைகின்றனர். இதற்கு அடுத்தபடியாக இந்தியர்கள் புகுகின்றனர்.