ஸ்ரீநகர், நவ.1: நல்லெண்ண நடவடிக்கையாக தீபாவளியை முன்னிட்டு காஷ்மீரில் ஸ்டிரைக்கை வாபஸ் பெறுவதாக சையத் அலி ஷா தலைமையிலான ஹூரியத் மாநாடு அறிவித்துள்ளது. இந்துக்களின் பண்டிகையான தீபாவளியை முன்னிட்டு நவம்பர் 5-ம் தேதி ஸ்டிரைக் இருக்காது என ஹூரியத் மாநாடு அமைப்பின் செய்தித்தொடர்பாளர் அயாஸ் அக்பர் தெரிவித்தார்.
தீபாவளியைக் கொண்டாடுவதற்காக நவம்பர் 5-ம் தேதி ஸ்டிரைக் நடத்தக்கூடாது என அனைத்து கட்சி சீக்கிய ஒருங்கிணைப்பு குழுவின் தலைவர் ஜக்மோகன் சிங் ரெய்னா ஹூரியத் மாநாட்டுக்கு வேண்டுகோள் விடுத்திருந்தார். மற்ற சமூகத்தினரின் மத உணர்வுகளை மதிக்க வேண்டும் என இஸ்லாம் கூறுகிறது. அதனால் தீபாவளியைக் கொண்டாட இந்துக்களையும், சீக்கியர்களையும் அனுமதிக்கும்வகையில் ஸ்டிரைக்கை நிறுத்த ஹூரியத் மாநாடு தீர்மானித்துள்ளதாக அயாஸ் அக்பர் தெரிவித்தார்.
Subscribe to:
Post Comments (Atom)
No comments:
Post a Comment