தமிழகத்தை தாக்கும் சுனாமி!

DEC 01: மத்திய அரசு எந்த உதவியும் செய்யாததால் பஸ் கட்டணம், பால் விலை உயர்த்தி மக்களின் வயிற்றில் அடித்துள்ளது மாநில அரசு,  இது போதாதென்று மத்திய அரசு சில்லறை வணிகத்தில் அந்நிய முதலீட்டை கொண்டுவர துடிக்கிறது.

தமிழக அரசு: சாராயக் கடைகளை அரசே நடத்துகிறது. அதிலிருந்து வரும் வருமானத்தைக் கொண்டு  மிக்சி, கிரைண்டர், மின்விசிறி, லேப்டாப் ஆகியவற்றை மக்களுக்கு இலவசமாக வழங்குகின்றன.

உலகின் முதல் 5 விஸ்கி வியாபாரிகளில் ஒருவனான விஜய் மல்லையா, இதுவரை ஆயிரம் கோடி ரூபாய்க்கும் மேல் அரசு வங்கிகளிடமிருந்து கடன் வாங்கியிருக்கிறான். ஆனால், அதை திருப்பி செலுத்தவில்லை. பதிலாக தனது ’கிங் ஃபிஷர்’ஏர்லைன்ஸ் நிறுவனம், நஷ்டத்தில் இயங்குவதாக சொல்லி, தனக்கு மேலும் பண உதவி செய்யும்படி அரசாங்கத்திடம் பிட்ச்சை கேட்கிறான்.

சிந்திக்கவும்: இதுபோல் உள்ள பணக்காரர்களுக்கே எல்லா சலுகைகளும். ஏழை ஒருவன் வீடு கட்ட லோன் கேட்டால்  ஆயிரம் ஆதாரங்களை சமர்பிக்க சொல்லி நமது வங்கிகள் கேட்கும்.

மத்திய அரசு: சத்திஷ்கர் பழங்குடி மக்கள் வாழும் பகுதியில்  உள்ள கனிமவளங்களை சுரண்ட அவர்கள் வசிக்கும் பகுதியை அந்நிய முதலாளிகளுக்கு தாரை வார்த்து  கொடுக்க சொந்த நாட்டு மக்கள் மேல் ராணுவ நடவடிக்கை இப்பொழுது என்னவென்றால்  சில்லறை வணிகத்தில் அந்நிய முதலீட்டை கொண்டு வர  துடிக்கிறது .   
சில்லரை வணிகத்தில் அன்னிய முதலீட்டை அனுமதித்துள்ள மத்திய அரசைக் கண்டித்து, வியாபாரிகள் இன்று, நாடு தழுவிய போராட்டம் நடத்துகின்றனர். தமிழகத்தில் அனைத்து கடைகளும் மூடப்பட்டிருக்கும் என, வர்த்தக சங்கங்கள் அறிவித்துள்ளன. பல்வேறு இடங்களிலும் உண்ணாவிரதப் போராட்டமும் நடக்கிறது.  

சில்லறை வணிகத்தில் அந்நிய ஆதிக்கம் ஏற்பட்டால், பொருள்களின் தரம் குறைந்து விலைவாசி உயரும். மத்திய அரசின் இந்த நடவடிக்கையால் நாட்டின் பொருளாதாரம் அந்நிய நிறுவனங்களால் கொள்ளையடிக்கப்படும். ஒரு காலத்தில் வணிகம் செய்ய வந்த ஆங்கிலேயர்கள் நம்மை அடிமைப்படுத்தினார்கள். அதேபோன்ற சூழ்நிலை மீண்டும் ஏற்பட்டு, இன்னொரு சுதந்திர போராட்டத்தை நடத்த வேண்டிய நிலைக்கு தள்ளப்படுவோம். 

சிந்திக்கவும்: தமிழக மக்களே! சிந்தியுங்கள்! மீண்டும் ஒரு சுதந்திர போராட்டத்திற்கு தயாராகுங்கள்!  மக்களின் நலனில் அக்கறையில்லாத வட இந்திய ஹிந்தி அரசு   முல்லை பெரியாறு அணை முதல் கூடங்குளம், தமிழக மீனவர் பிரச்சனை, காவேரி பிரச்சனை, ஹிந்தி மொழி திணிப்பு, என்று தமிழகத்தை தொடர்ந்து குறிவைத்து தாக்கும் சுனாமியாக திகழ்ந்து வருகிறது.  தமிழக மக்கள் அடைந்த துன்பம் போதும். சிந்திப்பீர்! செயல்படுவீர்!.

ரௌத்திரம் பழகு 

...யாழினி...